Ақшалы алпауыт қала сатып алды

АСТАНА. ҚазАқпарат - АҚШ-та марихуана өндіруші  ақшалы алпауыт Калифорния  штатында осы саладағы туриндустрияны дамыту үшін қала сатып алды, деп хабарлады Bloomberg агенттігі.

«Біз туризмнің бұл түрін дамыту мүмкіндігін қолдан шығарып алғымыз келмеді», - деді жоба менеджері Стивен Шерин.

 5 млн долларға сатып алынған қала Лас-Вегастан небәрі бір сағаттық жол. Онда 20 адам тұрады. Бір жарым жылда инвесторлар оған тағы $2,5 млн салуды жоспарлауда.

Сатылым 125 акр жер,  дүкен, қонақүй, мектеп, минералдық ваннаны қамтиды  және жаңа құрылыстар салу жоспарлануда. Энергияны жаңартылған көздерден алады.

Марихуана Калифорнияда 2016 жылы заңдастырылған.