деп хабарлады ҚР ТЖМ-нан.
Ведомство баспасөз қызметінен мәлім еткендей, наурыздың өткен 27-сі күні 18 сағат 10 минутта Ақсу өзені мен Қарасу ауылының маңындағы кішігірім көлдердегі су деңгейі көтеріліп, тұрғын үйлерді су басу қаупі төнді. Ал «Қарасу-Матай» автожолының 16-шы шақырымындағы тікбұрышты темірбетонды жол өткелін (көпір) су шайып кеткен. Қарасу ауылында 70 аула, 225-ке жуық тұрғын бар.
18 сағат 30 минутта төтенше жағдай орнына Алматы облысы бойынша ТЖД-ның құтқарушылары жетті. Бірақ, өткелдің бұзылуы салдарынан шұғыл құтқару техникалары Қарасу ауылына жете алмады.
Апатты жағдай қалыптасқаннан үш сағаттан кейін ауылдың барлық 225 тұрғыны ауыл орта мектебіне орналастырылды. Оларға азық-түлік жеткізіліп, медициналық көмек орны ұйымдастырылды.
«Көпірді апатты-қалпына келтіру жұмыстары су деңгейі түскеннен кейін басталады», - деп анықтады баспасөз қызметінен.