Ақсу қаласында 15 қария компьютердің қыр-сырын меңгеріп жатыр
«Жас Отан» жастар қанатының Ақсу қалалық бөлімшесінің жетекшісі Гүлназ Солтанованың айтуынша, шара «Ардагерлерді ардақтайық» партиялық жобасының аясында ұйымдастырылған. Сабақ №2 орта мектептің информатика кабинетінде өткізілген. Сабақты «Нұр Отан» партиясы Ақсу қалалық филиалы төрағасының бірінші орынбасары Айдос Оразалин ашып, компьютерді меңгеруге ықылас білдірген қарттарға сәттілік тілеп, оларды мерекелерімен құттықтады.
«Шараның мақсаты - қарттарға компьютерді меңгеруіне ықпал ету. Сабаққа 15 ардагер қатысты.Ата-әжелеріміз өте белсенді екендіктерін көрсетті. Компьютерді меңгеру жөніндегі бірінші сабағымызда оны қалай қосып-өшіруді, тінтуірмен жұмыс жасауды және мәтін теру құралдармен танысты. Қарттар алдағы уақыттар да мұндай жұмыстардың жалғасуын құптап», - дейді Гүлназ Солтанова.