Ақсуда балабақша тәрбиешісі 3 жасар балаға қол көтерді деп айыпталуда

ПАВЛОДАР. ҚазАқпарат - Павлодар облысына қарасты Ақсу қаласындағы №20 балабақшаның тәрбиешісіне топтағы 3 жасар екі баланың дауласуы кезінде қол көтергені үшін кінә тағылып отыр, деп хабарлайды ҚазАқпарат тілшісі.

Жапа шеккен баланың анасы өз шағымында Ақсу қаласындағы №20 балабақшаның 25 жастағы тәрбиешісі А. Тілекбердиева ойыншыққа таласқан екі баланың арасындағы кішігірім кикілжіңді осындай жолмен шешпекші болғанын жеткізді. Екі баланың бірі тәрбиешінің ұлы болып шыққан.

Ананың баласы Татьяна Мукушева бұл оқиға жайында А. Тілекбердиевадан білген. Тәрбиеші оның ұлы басқа балаларға тыныштық бермейтінін және екі ұлды тістеп алғанын жеткізген. Мукушеваның айтуынша, бейнебақылау камераларынан тәрбиеші ұлын басқа балалардан, оның ішінде Мукушеваның ұлынан да қорғауға тырысқаны белгілі болған.

Балабақша қызметкерлері шағымды растап, тәрбиеші балалармен жұмыс жасаудан шеттетілгенін айтты. Ол жерде А. Тілекбердиева дәл осы мекеменің кір жуу бөлмесіне ауыстырылғанын жеткізді. Білім басқармасы аталмыш оқиға жайында балабақша директорынан емес, полициядан естіген.

«Балабақша директорына ескерту жасалды. Оқиғаның мән-жайы анықталған соң тәртіпке келтіру мақсатында қосымша шаралар қабылданады. Тәрбиеші жайында айтар болсам, ол қыркүйек айында декреттік демалысқа кетеді. Оны бірден жұмыстан шығарып жібере алмаймыз, сондықтан соттың шешімін күтіп отырмыз», - деді Ақсу қаласы Білім бөлімінің әдіскері Зара Әбдрахманова.

З. Әбдрахманованың айтуынша, тәрбиешіні кінәлі деп мойындаған жағдайда, ол білім нысандарында балалармен жұмыс жасау құқығынан айырылатын болады.