Бұл жайлы Ақтау әуе айлағының директоры Ерғазы Жолдасов мәлім етті, деп хабарлайды «ҚазАқпарат» ХАА тілшісі.
Ақтау әуежайы директорының айтуынша, 4, 6, 11 және 13 қазан күндері сағат 8.00-ден 20.00-ге дейін әуе айлағы кез келген бағыттағы әуе рейстерін қабылдамайды және жөнелтпейді.
Қазіргі уақытта аталған әуежай Қазақстан Республикасында тасымалдау көлемі бойынша Алматы және Астана әуежайларынан кейінгі үшінші орынға ие. Әуежай 8 ішкі және 16 халықаралық бағыттар бойынша қазақстандық және шетелдік компанияларға қызмет көрсетеді. Ақтаудан Мәскеу арқылы Ыстанбұл, Баку, Киев және басқа да әлемнің кез келген нүктесіне жетуге болады.