Ақтауда алты машина соқтығысып, 70 жастағы әже зардап шекті

Жедел медициналық жәрдем стансысының мәлімдеуінше, түрлі жарақаттар алған әже жылдам ауруханаға жеткізілген.
Оқыс оқиға туралы шамамен сағат 14:50-де хабар келген.

Куәгердің айтуынша, Skoda жүргізушісі 13-ші ықшам ауданда, «Сулпак» дүкенінің маңында Toyota Camry-мен соқтығысып, соққының екпінімен жол шетіне шығып кетіп, автотұрақтағы машиналарға барып соғылған.

Апаттың салдарынан 70 жастағы әже зардап шекті. Дәрігерлердің айтуынша, бассүйек-ми зақымын алған әже облыстық аурухананың травматология бөліміне жеткізілген.

Сонымен қатар 13-ші ықшам аудандағы 17-үйдің алдында жол апаты болып, автомобильдердің бірінде отырған жолаушы зардап шеккен.