АҚТАУ. KAZINFORM - 20 шілде күні Ақтау қаласындағы 6656-әскери бөлімінде жас сарбаздардың әскери ант қабылдау рәсімі өткізілді.
ҚР Ұлттық ұланы «Батыс» өңірлік қолбасшылығының баспасөз қызметінен мәлім еткеніндей, 21 шілде күні ант қабылдаған жас сарбаздар қалалық сейілдемеге өздерінің ата-аналарымен бірге кешкі сағат 18.00-ге дейін жіберілді.
«21 шілде күні белгіленген уақытта (сағат 18.00-де) тексеру барысында Ақтөбе облысынан шақыртылған сарбаздың қалалық сейілдемеден келмегені анықталды. Қазіргі уақытта қатардағы жауынгерді іздестіру шаралары жүргізілуде. Қызметтік тексеріс тағайындалды, оқиғаның мән-жайы мен себебі анықталу үстінде», деп хабарлады ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).