Ақтауда әйел жоғары қабаттан құлап, мерт болды

АҚТАУ. KAZINFORM — Қайғылы оқиға 29 шілдеде сағат 19:00 шамасында болған.

27-шағын аудандағы 4-үйде жоғары қабаттардың бірінен әйел құлап, қоқыс жәшігіне түскен. Айта кетейік, аталған үй 9 қабатты. 

Тұрғындар жантүршігерлік жайттан шошынып қалғандарын айтады. Марқұм қою көк түсті арнайы формаға ұқсас киім киген. 

Маңғыстау облыстық полиция департаменті баспасөз қызметінің хабарлауынша, оқиғаның мән-жайы анықталып жатыр.

— Осы оқиға бойынша қылмыстық іс қозғалды. Тергеу жүргізілуде, — делінген хабарламада. 

Бұған дейін, Ақтауда жалаңаш ер адам 11 қабатты үйдің төбесінен секіріп кеткен еді.

Сонымен қоса бүгін Павлодарда әйел екі баласын терезеден лақтырып, өзі де секіріп кеткені белгілі болды.