Ақтауда бір тәулік бойы жылу берілмейді

Ақтауда 15 қарашада магистральдық жылу құбырына апаттық жөндеу жұмыстары жүргізілуіне байланысты жылу өшіріледі. Бұл туралы «Каспий жылу, су арнасы» мекемесі мәлім етті, деп хабарлайды Kazinform.

- Ақтауда 15 қараша күні сағат 00.00-ден 24.00-ге дейін аурухана қалашығы-1, 2, өндірістік аймақ, 16,17,18,18а, 26, 29а шағын аудандары мен 19, 20, 20а, 21, 27 шағын аудандардың кейбір үйлерінде жылу беру тоқтатылады, - делінген хабарламада.

Айта кетсек, 13 қарашада магистралдық ауыз су құбырында жөндеу жұмыстарының жүргізілуіне байланысты оннан аса шағынауданда су беру уақытша тоқтаған еді