АСТАНА. ҚАзАқпарат - 1-2 мамыр күндері Ақтау қаласындағы теннис орталығында дзюдодан жасөспірімдер арасында Ер Қосай Құдайкеұлының жүлдесіне арналған халықаралық турнир өтеді, деп хабарлайды ҚазАқпарат тілшісі.
ҚР Дзюдо федерациясы таратқан мәліметтерге сүйенсек, биыл осымен 10-шы рет жалауы желбіретіп отырған халықаралық додаға Қазақстан, Өзбекстан, Әзірбайжан, Грузия, Түрікменстан, Қырғызстан, Тәжікстан елдерінен 2001-2003 және 2004-2006 жылы туыған 800-ге жуық жас татами шеберлері қатысады.
Халықаралық жарыс жеңімпаздары «Спорт шеберіне үміткер» атағына ие болады. Екі күнге жалғасатын доданың алғашқы күні 2001-2003 жылы туған жасөспірімдер арасында мықтылар анықталса, екінші жарыс күні 2004-2006 жылы туған жасөспірімдер арасында үздіктер белгілі болады.
Фото: fdk.kz
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.