Ақтауда өтетін халықаралық шараға Димаш Құдайберген қатысуы мүмкін
АҚТАУ. KAZINFORM — 5 сәуір күні Ақтауда Каспий теңізінің жағалауында «Ақтау — Түркі әлемінің астанасы» іс-шарасының ашылу салтанаты өтеді.
Фото: dimashnews
Желіде іс-шаралар бағдарламасы да таратылды. Соған сәйкес, гала-концертке танымал әнші Димаш Құдайберген қатысады.
Сонымен қатар, «Kalifarniya», Мирбек Атабековтің хедлайнер ретінде өнер көрсетуі жоспарланған. Бағдарламада әзербайжандық әнші Роза Зергерли мен әйгілі «Ялла» тобы да бар.
Бірақ Маңғыстау облысының Мәдениет, тілдерді дамыту және мұрағаттар басқармасы бұл ақпараттың әлі расталмағанын хабарлады.
— «Ақтау — түркі әлемінің мәдени астанасы» іс-шараларының ресми бағдарламасы әлі нақтыланып жатыр, — делінген хабарламада.
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.