НҰР-СҰЛТАН. ҚазАқпарат – Каспий теңізіне батып кеткен колледж студентінің денесі 6 м тереңдіктен шығарылды. Бұл туралы облыстық төтенше жағдайлар департаментінің мамандары мәлім етті, деп хабарлайды ҚазАқпарат.
«Департаменттің 20 қызметкері 2 техника және 2 жүзу құралы, 1-гидраскутордың көмегімен 2004 жылы туған жігітке іздеу жүргізді. Сағат 07:33-те ТЖД ЖҚБ күшімен жігіттің денесі судан табылды», - деп мәлімдеді облыстық ТЖД баспасөз қызметі.
Еске салсақ, 7 маусым күні сағат 16:20 кезінде құтқару қызметіне Ақтау қаласы Самал-2 ықшамауданында бір адамның суға кеткені туралы хабар түскен еді. Ақтау қаласы төтенше жағдайлар басқармасы азаматтық қорғаныс тобының офицері, аға лейтенант Азамат Төлегеновтің айтуынша, үш жігіт пирстен теңізге секірген. Екеуі жағаға жүзіп шыққан, ал біреуі батып кеткен.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.