Орталықтың хабарлауынша, мемлекеттік сәулет-құрылыс бақылау басқармасы осы құрылысты заңсыз деп тану туралы талапты қанағаттандырған сотқа жүгінген.
Маңғыстау облысының мемлекеттік сәулет-құрылыс бақылау басқармасының ақпараты бойынша, құрылысқа қажетті рұқсатнама құжаттарынсыз және жобалау-сметалық құжаттамасы жасақталмай жүргізілген. Бұл «Қазақстан Республикасындағы сәулет қала құрылысы және құрылыс қызметі туралы» заңына қайшы (68-бап).
Құрылыс салушыға құрылыс-монтаж жұмыстарын тоқтата тұру туралы нұсқама берілді және ҚР ӘҚБтК-нің 316, 321 және 463-баптарына (Әкімшілік құқық бұзушылық туралы Кодекс) сәйкес әкімшілік жазалау шаралары қабылданды.
- Ақтауда қажетті рұқсатнама құжаттарынсыз заңсыз салынған құрылыс нысандары қатаң тексерілуде. Көптеген талап арыздар заңсыз құрылысты тоқтату мақсатында сотқа жіберілді. Сондай-ақ, қолданыстағы заңнамаға сәйкес мәжбүрлеп бұзу шаралары қабылданады, - деді Маңғыстау облысының мемлекеттік сәулет-құрылыс бақылау басқармасының басшысы Дәурен Өтепқали.
Маңғыстау облысының мемлекеттік сәулет-құрылыс бақылау басқармасы заңсыз құрылыстарды сүру мақсатында Маңғыстау облысының мамандандырылған ауданаралық экономикалық сотында сот рәсімдеріне бастамашылық жасады.