Ақтауда жасөспірімге жыныстық зорлық-зомбылық көрсеткен ер адам қамауға алынды

АҚТАУ. KAZINFORM — Маңғыстау облыстық полиция департаментінің хабарлауынша, 2025 жылдың 4 қарашасында полицияға кәмелетке толмағанға қатысты сексуалдық сипаттағы әрекеттер жасалды деген арыз түскен. Аталған дерек бойынша Қылмыстық Кодекстің 121- бабы 4 — бөлігі бойынша қылмыстық іс қозғалған. 

— Күдікті анықталып, ұсталды және сот шешімімен екі ай мерзімге уақытша қамау изоляторына қамалды. Қазіргі уақытта сотқа дейінгі тергеп-тексеру жүргізіліп жатыр. Полиция органдары қажетті тергеу және процессуалдық әрекеттердің толық кешенін іске асырып жатыр, — делінген хабарламада.

Полиция сонымен қатар, оқиғаның барлық мән-жайы анықталып, мұқият тексерілетінін, арыздағы деректерді нақтылау үшін тиісті сараптамалар тағайындалғанын жеткізді.

Бұған дейін, Қызылорда ауруханасына зорлық көрген екі қыз бала түскен болатын. 

Тұрмыстық зорлық-зомбылық көргендер қайда жүгіне алады.