Ақтауда жолаушылар автобусы өртеніп кетті

НҰР-СҰЛТАН. ҚазАқпарат - Ақтауда жолаушылар автобусы толық жанып кетті, деп хабарлайды lada.kz.

«11 маусым күні кешкі сағат 21:00-де ПАЗ маркалы жолаушылар автобусы өртеніп кетті. Өртті сөндіруге екі техника мен жеке құрамның сегіз адамы жұмылдырылды. Зардап шеккендер жоқ», - делінген Төтенше жағдайлар департаментінің хабарламасында.

Өрттің неден тұтанғандығы анықталу үстінде.