Жаттығу орнына 6 техника (экскаватор, кран, ассенизатор және т.б.), шұғыл жөндеу командасы, облыстың ЭТКШБ «Каспий жылу, су арнасы» МҚК, Ақтау қаласы ТЖБ қызметкерлері тартылды.
«Тактикалық мәні бойынша басшыға 9.30-да №3 шағын аудандағы үйде жылу жүйесі бұзылғаны туралы өтінім түседі. Артынша жұмыстың күрделілігін айқындау үшін ТЖ мамандары оқиға орнына барады. Жылу жүйесіндегі апат салдарынан 4 үй жылусыз қалғаны анықталды. Жедел топ жөндеу жұмыстарын жүргізу үшін жылуды ажыратуға кіріседі.
Тұтастай, жөндеу жұмыстарына 3 сағат кетті, жөндеп болған соң жылумен жабдықтау жүйесі іске қосылып, үйлерге жылу жіберілді», - деді ТЖБ бастығы, азаматтық қорғаныс подполковнигі Алмаз Ысқақов.
Жаттығу барысында жоспар бойынша қарастырылған учаскені абаттандыру мәселесі пысықталды.