«Түркияның Анталия қаласында өткен жас арифметиктер жарысында Қазақстан, Біріккен Араб Әмірліктері, Румыния, Сауд Арабиясы, Сирия, Ливан, Алжир, Әзербайжан, Болгария, Иордания, Ирак, Египет, Молдова, Қырғызстан, Өзбекстан және өзге де елдерден келген 400 дарынды бала бағын сынады. Чемпиондар мен супер чемпиондарға 100-300 доллар көлемінде қаржылай сыйлықтар табысталды», – деп мәлім етті зияткерлік мектептің баспасөз қызметінен.
«WAMAS» олимпиадасы 5 жылдан бері өткізіліп келеді. Биылғы байқауды Анталияның қалалық әкімшілігі және «Қазақстан мен Еуразия мемлекеттерінің достық және мәдениет қауымдастығы» бірлесіп ұйымдастырған.