АСТАНА. KAZINFORM – Биылғы маусымдағы сәтсіз ойындары үшін «Ақтөбе» командасының бас бапкері Игорь Леонов қызметінен кетті.
Ақтөбелік клуб украиналық маман Игорь Леоновпен келісімшарт мерзімінен бұрын тоқтатылғанын хабарлады. Команданың баспасөз қызметінің хабарлауынша, ол отбасылық жағдайын байланысты жұмыстан кету туралы өтініш берген.
Айта кетсек, «Ақтөбе» Қазақстан кубогының 1/8 финалында елордалық «Жеңіске» 0:1 есебімен жол берсе, одан кейін Қазақстан чемпионаты бесінші турында қостанайлық «Тобылдан» жеңіліп қалды.
Игорь Леонов «Ақтөбе» футбол клубымен бірге 2024 жылы Кубок иегері атанса, Премьер лигада қола жүлде алды.
2006-2024 жылдар аралығында ол украиналық клубтарда түрлі қызметте болды.
Еске салсақ бұдан бұрын беларусьтік маман Александр Бразевич «Қызылжардың» бас бапкері қызметінен кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.