АСТАНА. KAZINFORM - Қазақстандық «Ақтөбе» және «Ордабасы» клубтарының еурокубок ойындарының алғашқы іріктеу сатысындағы қарсыласы анықталды.
Еуропа лигасында сынға түсетін ақтөбелік клуб бірінші іріктеу кезеңінде Польшаның «Легия» (Варшава) клубына қарсы ойнайды. Ойындар 10 және 17 шілдеге жоспарланған.
Ал шымкенттік «Ордабасы» Конференция лигасы бірінші кезеңінде Грузияның «Торпедо» (Кутаиси) клубымен ойнайды.
Аталған турнирде елордалық «Астана» жорығын екінші іріктеу кезеңінен бастайды. Аталған кезеңнің жеребесі 18 маусым күні тартылады.
Айта кетсек, бұдан бұрын Чемпиондар лигасында ел намысын қорғайтын алматылық «Қайраттың» қарсыласы белгілі болды. Олар Словенияның «Олимпия» клубымен 8-9 шілде және 15-16 шілде күндері келесі кезең жолдамасын сарапқа салады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.