Ақтөбеде қазақша күрестен республикалық кубог бәсекесі аяқталды

АЛМАТЫ. Қыркүйектің 13-і. ҚазАқпарат /Ербол Тұрымбетов/ - Кеше Ақтөбеде қазақша күрестен жыл сайынғы дәстүрлі Қазақстан кубогы өз мәресіне жетті, деп хабарлайды ҚазАқпарат.

Қыркүйектің 10-12-сі аралығында өткен республикалық жарыста еліміздің барлық облыстары командалары қатысты. Алғашқы күнгі командалық жарыстардан соң, жекелей белдесулер болды. Облыстық командалар жарысы бойынша:

1-орынды Оңт. Қазақстан облысы;

2-орынды Қостанай облысы;

3-орынды Қызылорда облысы иеленді.

Жарыстың қалған екі күні өткен жекелей белдесулердің де республикалық чемпиондары анықталды. Оның қорытындысы бойынша жеңімпаздар:

54 кг. Раисов Б. Қызылорда облысы;

60 кг. Келдіқұлов Ғ. Алматы қаласы;

66 кг. Жұмажан Н. Алматы облысы;

74 кг. Қисықов Б. Ақтөбе облысы;

82 кг. Шамшиев С. Батыс Қазақстан облысы;

90 кг. Қажымұқан М. Шығыс Қазақстан облысы;

+90 кг. Салықбаев К. Шығыс Қазақстан облысы.

Жарыстың түйе палуаны атағын шығыс қазақстандық Нұғыманов А. жеңіп алды. Ал Алматы қаласы бұл байрақты додада 60 келіде 1 алтын, 1 күміс және 74 келі салмақта 1 күміс олжалады.