АҚТӨБЕ. KAZINFORM — Ақтөбеде 48 жастағы жаяу жүргіншіні көлік қағып кетті. Ол оқиға орнында көз жұмды.
Оқиға бүгін сағат шамамен 20:00-де Ақтөбе қаласы Ақжар-2 тұрғын алабында болды.
— «ВАЗ 2110» автокөлігінің жүргізушісі жүргіншіні қағып кетті. Салдарынан ол оқиға орнында көз жұмды, — деді Ақтөбе облыстық ПД баспасөз қызметінің жетекшісі Ерболат Сарқұлов.
Еске салсақ, 1 желтоқсан күні Ақтөбе қаласында 3 жасар қызды көлік таптап өтті. Рөлде болған 29 жастағы жүргізушінің ішімдік ішпегені анықталды. Осы оқиғаға байланысты Қылмыстық кодекстің 345-бабы бойынша іс қозғалды, тергеу жүріп жатыр.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.