Албаниялық қазылар төрелік еткен бұл ойында Владимир Муханов жаттықтыратын ақтөбеліктер 4:2 есебімен жеңіліс тапты. Тимур Кападзе кездесудің 8-минутында жылдам есеп ашқан, араға 8 минут салып алаң қожайындары сапынан Георгий Богю есепті теңестірсе, 33 минутта Рафаэль Веллингтон «Милсамиді» алға шығарды. Үзілістен кейін 51-минутта Г. Богю дублдің авторы атанып, есепті 3:1-ге дейін жеткізген еді. 56-минутта Самат Смақов доп айырмашылығын 3:2-ге қысқартқанымен 87-минутта оргеевтіктерден Корнел Геци есепті 4:2-ге өзгертті. Жарыстың келесі кезеңіне өту үшін В. Мухановтың шәкірттері Сергей Клещенко жаттықтыратын оргеевтіктерді енді, 26 шілде күні өз алаңындағы қарымта ойында 3 доп айырмасымен ұтуы керек.
12:00, 20 Шілде 2012
Ақтөбелік футболшылар Еуропа лигасының екінші іріктеу раундын жеңіліспен бастады
АЛМАТЫ. 20 шілде. ҚазАқпарат - «Ақтөбе» футбол клубы кеше Еуропа лигасының дәрежелік 2-раундын сырт алаңда Молдованың Оргеев қаласының «Милсами» командасымен өткізді.