ОРАЛ. 7 наурыз. ҚазАқпарат - Ақжайық ауданы орталығы Чапаев ауылында тұратын Қапиза Ахметова биыл 105 жасқа толғалы отыр.
Ғасыр жасаған ананы Халықаралық әйелдер күнімен аудан әкімі Нариман Төреғалиев құттықтап, бағалы сыйлық табыс етті.
Қ.Ахметова - өңірдегі ұзақ жасаған жандардың бірі. Өз өмірінде талай қиыншылық көріп, Ұлы Отан соғысының ауыртпалығын көтерсе де, мойымаған әжей тәуелсіз елдің қадамына дән риза. Ол үйіне келіп, өзін құрметтеген аудан басшысына алғысын білдіріп, барша халыққа ақ батасын арнады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).