ОРАЛ. 20 қазан. ҚазАқпарат - Ақжайық ауданының әкімі Нариман Төреғалиев биыл елімізде тұңғыш ұйымдастырылған «Үздік педагог» республикалық байқауында осы атақты иеленген тайпақтық мұғалім Бағдагүл Ізбасарованы, Д.Қажымовтың әндерін орындаушылардың І республикалық ән фестивалінде І орынды иеленген Дәурен Ғилманов пен Әнуар Нұрғалиевты қабылдап, құрмет көрсетті.
Кездесуде облыстық жас полицейлер байқауында жеңімпаз атанған Бітік орта мектебінің командасы, сондай-ақ халықаралық, республикалық, облыстық байқауларда үздік көрініп жүрген оқушылар мен олардың ұстаздары да болды.
Осындай алдыңғы толқын мен балауса тасқын шамшырақтардың білімге ұмтылысын, ізденісін, еңбекқорлығын кеңінен үлгі ету әңгіме болды, оларға сыйлықтар тапсырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).