ОРАЛ. 8 қараша. ҚазАқпарат /Елжан Ералы/ - «Ақжайық» допты хоккейшілері 18-20 желтоқсанда Ресейдің Обухово қаласында өтетін жастар арасындағы әлем чемпионатында ел намысын қорғайды.
«Ақжайық» спорт клубының бас директоры Нұфтолла Түменовтің айтуынша, қазіргі кезде команда белгілі хоккейші-бапкер, Қазақстанның еңбек сіңірген жаттықтырушысы, осыған дейін бас құраманың тізгінін ұстаған Александр Ионкиннің басшылығымен жаңа маусымға дайындалуда.
Ақ Жайық хоккейшілерінің әлем біріншілігіне қатысуына байланысты жоғары лига командалары арасында Ресей чемпионаты екінші тобының ойындар кестесіне өзгерістер енгізілді. Атап айтқанда, «Динамо-Қазан-2» мен «Ақжайық» командалары арасындағы екі ойын 21-22 желтоқсанда емес, 6-7 желтоқсанда өтетін болды. Сөйтіп бұл «Ақжайық» допты хоккей командасының 2011-2012 жылғы Ресей біріншілігіндегі беташар матчтары болмақ. Сондай-ақ «Ақжайықтың» Самараның ЦСК ВВС командасымен өз айдынындағы кездесулері 17-18 желтоқсаннан алдағы жылғы 22-23 ақпанға қалдырылды. Соған сәйкес «Волга-2» (Ульяновск) мен ЦСК ВВС клубтары арасындағы ойындар 22-23 ақпанда емес, 21-22 желтоқсанда өтетін болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).