ОРАЛ. ҚазАқпарат – Украиналық маман, «Ақжайықтың» бас бапкері Владимир Мазяр клубпен келісімшартты келесі жылғы маусымның аяғына дейін ұзартты, деп хабарлайды ҚазАқпарат тілшісі.
«Ақжайық» футбол клубының директоры Азамат Шайхының мәлім еткеніндей қазіргі кезде В.Мазяр еңбек демалысын Украинада өткізіп жатыр.
Жаңа маусымға дайындық қаңтар айында басталмақ. Биыл ел чемпионатын «Ақжайық» тоғызыншы орынмен қорытындылағаны белгілі.
«Команда қайтадан жасақталады. Алдағы жылы премьер-лигада бұдан да жоғары орынға ие болу үшін бар күшімізді салмақшымыз», - деді ҚазАқпарат тілшісіне А.Шайхы.
Еске сала кетейік, бұдан бұрын «Каспий» мен «Ақжайықтың» тең ойнағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).