Әл-Куәйтте Азия Олимпиада кеңесінің басшылары мен 2011 жылғы VII қысқы Азия ойындары ұйымдастыру комитетінің мүшелері арасында келіссөздер өтті

деп хабарлайды ҚазАқпарат «VII қысқы Азия ойындары ұйымдастыру комитеті атқару дирекциясы» АҚ-ның баспасөз қызметіне сілтеме жасап.Кездесу барысында ұйымдастыру комитеті атқару дирекциясының вице-президенті Серік Құлмырзаев Ойындарды өткізуге арналып салынып және қайта құрылып жатқан нысандар төңірегіндегі ағымдағы жағдай туралы Азия Олимпиада кеңесінің бас директоры Хуссейн әл-Муссаламді хабардар етті. Сонымен қатар, шілденің 1-інде Сингапурде Азия Олимпиадасы кеңесінің алдағы XXVIII бас ассамблеясына даярлық туралы әңгіме болды.Қазақстандық тарап іске асырып жатқан мынадай: «Мәдени Азиада» және «Олимпиада алауының эстафетасы» екі нысанының таныстырылымы және талқылануы кездесудің тағы бір тақырыбына айналды. Сол күні кешке қазақстандық делегацияны Азия Олимпиадасы кеңесінің президенті, Куәйт үкіметінің вице-премьері, шейх Ахмад әл-Фахад әл-Сабах қабылдады. Ол шейх VII қысқы Азия ойындарын өткізуге тікелей өзі жан-жақты қолдау көрсететініне сендірді.Кездесу соңында Әл-Сабах мырза қазақстандық тарапқа ҚР Премьер-Министрі, VII қысқы Азия ойындары ұйымдастыру комитетінің төрағасы Кәрім Мәсімовтың атына екі құжат берді. Әңгіме мәдени Азиада бағдарламасын бекітетін, сондай-ақ Олимпиада алауы эстафетасының регламентін бекітетін келісу хаты туралы болып отыр.