Әл-Кувейт қаласында тұтандырылатын 7-ші Қысқы Азия ойындарының факелін велошабандоз А.Винокуров пен хоккейші Т. Жайлауов қабылдайды

АСТАНА. Қыркүйектің 3-і. ҚазАқпарат /Гүлмира Әлиакпарова/ - 2011 жылғы қаңтардың 11-күні Әл-Кувейт қаласында тұтандырылатын 7-ші Қысқы Азия ойындарының факелін Қазақстан тарапынан салтанатты түрде велошабандоз Александр Винокуров пен хоккейші Талғат Жайлауов қабылдайды. Бұл туралы ҚазАқпарат тілшісіне берген сұхбатында Азия ойындары Алау эстафетасының дирекциясы басшысының орынбасары Сәрсен Құранбек мәлім етті.

С.Құранбектің айтуынша, А.Винокуров пен Т.Жайлауовты Азиада ойындарының Алау эстафетасына бастау беретін алғашқы алаугерлері ету туралы тиісті ұсыныс хаттар Қазақстанвелоспорт федерациясыныңпрезиденті, "Самұрық-Қазына" ҰӘҚ-ның Басқарматөрағасы Қайрат Келімбетов пен Қазақстанның шайбалы хоккей федерациясының президенті, «Қазақстан темір жолы» ҰК» АҚ-ның төрағасы Асқар Мәминге жолданды.

Қазақстанның бетке ұстар спортшылары, 2011 жылғы қаңтардың 11-і күні Азия Олимпиадалық кеңесінің (АОК) штаб-пәтері орналасқан Әл-Куәйт қаласында АОК президенті Шейх Ахмад Әл-Фахд Әл Сабах тұтандыратын 7-ші Қысқы Азия ойындарының құтысын салтанатты түрде қабылдап алатын болады. Бұдан кейін, қаңтардың 12-сі күні құты Қазақстанға жеткізіліп, аймақтарда 20 күн бойы Алау эстафетасы өткізілетін болады. Эстафета қаңтардың 30-ы күні Астанадағы «Астана-Арена» стадионында өтетін Ойындардың салтанатты ашылуы барысында мәреге жетеді.

«Үстіміздегі жылғы қыркүйектің 14-15-і күндері Ойындарды ұйымдастыру комитетінің өкілдері Әл-Куәйт қаласына іс-сапармен барып, аталмыш мәселелер бойынша келісімдер жүргізеді», - деп атап өтті С.Құранбек.