ТЖМ таратқан мәліметке сүйенсек, қар құрсауында қалған жолаушыларға құтқарушылар көмекке барған. Олар жол талғамайтын арнайы техникалармен 41 адамды Көктұма ауылына жеткізген.
Құтқарылғандардың арасында Беларусь Республикасының, ҚХР-дың, Әзербайжан Республикасының және РФ-ның 28 азаматы бар.
- ТЖМ қыс мезгілінде қауіпсіздік ережелерін сақтау қажеттілігі туралы ескертеді, дауылды ескертулерге назар аударыңыз және ауа-райы нашарлаған жағдайда үйде болыңыз, - делінген хабарламада.
Еске салайық, осыған дейін Үшарал - Достық автожолында көлік қозғалысы шектелгенін жазғанбыз.