Алакөлде екі адам суға батып кете жаздады

СЕМЕЙ. KAZINFORM – Алакөл маңында 15 шілде күні Төтенше жағдайлар департаментінің жедел-құтқару жасағы патрульдеу барысында екі демалушыны құтқарды.

Олар SUP тақтасында серуендеп жүргенде ескектерін жоғалтып, жағадан 600 метрге алыстап кеткен. Өз бетімен жағаға қайта оралу мүмкіндігі болмағандықтан, құтқарушылар көмекке шақырылды.

- Құтқарушылар оқиға орнына дер кезінде жетіп, демалушыларды қауіпсіз түрде жағаға жеткізді. Медициналық көмек қажет болмады, - делінген ведомство дерегінде.

Төтенше жағдайлар министрлігі азаматтарға мынадай кеңестер береді:

• Балаларды судың қасында қараусыз қалдырмаңыз;
• Қайықпен, катамарандармен және SUP-бордтармен сырғанағанда құтқару кеудешелерін пайдаланыңыз;
• Ауа райы жағдайы мен желдің күшін қадағалаңыз;
• Судағы қауіпсіздік – сіздің қолыңызда.

Айта кетейік, Алакөл жағалауындағы кемшіліктер анықталып, нақты тапсырмалар берілді.