ӨСКЕМЕН. ҚазАқпарат – Шығыс Қазақстан облысы Үржар ауданындағы Алакөл демалыс орнында 6 ірі жоба іске асырылмақ, деп хабарлайды ҚазАқпарат тілшісі.
Бұл жайлы ШҚО әкімі Даниал Ахметов тұрғындар алдындағы есеп беру кездесуінде айтты.
«Соңғы үш жылда Алакөл жағалауын абаттандыруға және жол жөндеуге облыстық бюджеттен 6,3 млрд теңге бөлінген. Енді алдағы 4 жылда 20 миллиард теңгеге тағы алты ірі инфрақұрылымдық жобаны іске асыру жоспарланып отыр. Біздің мақсат – бұл демалыс орнына келетін туристтердің санын 1 млнға жеткізу», - деді аймақ басшысы.
Оның айтуынша, биыл Үржар ауданы орталығындағы әуежайдың ұшу-қону жолағы қайта жаңартылады. Сонымен қатар Алакөл жағалауына су құбыры жүйесі мен электр желілері тартылмақ.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.