АСТАНА. KAZINFORM — Қазақстан командасы Бейрутте (Ливан) үстел теннисінен WTT Youth Contender турнирінде төрт медаль жеңіп алды.
Ұлттық олимпиада комитетінен мәлім еткеніндей, Алан Құрманғалиев 17 жасқа дейінгілер арасында жарыс жеңімпазы атанды.
Сондай-ақ Арнұр Оралханов – Жанерке Көшкімбаева жұбы (19 жасқа дейінгілер), Нұрислам Қасым (17 жасқа дейінгілер) және Нұрдәулет Азаматұлы (13 жасқа дейінгілер) қола жүлдеге ие болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).