Өрт 80 шаршы километр аумаққа таралып кеткен. Тілсіз жаумен 1500-ден астам өрт сөндіруші арпалысып жатыр. Жалынның шамамен 30 прцентін ғана ауыздықтау мүмкін болған.
Бейсенбі күн Калифорния штатының губернаторы Джерри Браун апат әбігерге салған Ориндж және Риверсайд округтерінде төтенше жағдай жариялаған болатын.
Штат аумағында 17 жерден өрт шыққан. Олардың жалпы аумағы 1,8 мың шаршы километр жерді алып жатыр. Өртті сөндіруге 18 штаттан 14 мыңнан астам өрт сөндіруші жұмылдырылған. Одан бөлек Австралия мен Жаңа Зеландиядан көмек күші жетпек.
Түрлі мәліметтер бойынша оқиға салдарынан 8-10 адам құрбан болған.