АСТАНА. KAZINFORM - Жексенбі, 17 тамызда таңертең қазақстандық жауынгер Әліби Ыдырыс (10-0) UFC келісімшарты үшін кезекті айқасын өткізеді.
The Ultimate Fighter финалдық шоуы аясында Әліби америкалық файтер Джозеф Моралеспен (12-2) шеберлік байқасады. Жекпе-жек Чикагода (АҚШ, Иллинойс штаты) UFC 319 турнирінде өтеді.
Айта кетсек, бұған дейін қазақстандық жауынгерлер тарихта бірде-бір мәрте TUF жеңімпазы болған емес.
UFC 319 турнирінің басты жекпе-жегінде ресейлік Хамзат Чимаев (14-0) Біріккен Араб Әмірлігінің атынан сынға түсетін Оңтүстік Африка спортшысы Дрикус Дю Плессимен (23-2) кездеседі.
Оңтүстікафрикалық файтер орта салмақтағы UFC чемпионы атағын жеңіп алған. Алдағы жекпе-жекте белбеуін қорғауына мүмкіндік бар.
Еске салсақ, бұған дейін бокстан әлем чемпионы және Олимпиада жүлдегері Сәкен Бибосыновтың Қырғызстан астанасы Бішкек қаласында өткен кәсіпқой бокстағы алғашқы жекпе-жегін сәтті бастағанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.