ТАШКЕНТ. KAZINFORM – 25-29 шілде аралығында Өзбекстанда аптап ыстық болады, деп хабарлайды Kazinform агенттігінің Ташкенттегі меншікті тілшісі Әлихан Асқар.
Өзгидрометтің директоры Шерзодхужа Хабибуллахужаның мәліметінше, бұл күндері елдің біраз өңірінде ауа температурасы 40... 43 градусқа дейін, оңтүстік пен шөлді аймақтарда 44... 45 градусқа дейін көтеріледі.
Кей өңірлерде желдің жылдамдығы секундына 13-18 метрге дейін күшеюі ықтимал. Ал жекелеген аудандарда жылдамдығы 20-23 м/с болатын шаңды дауыл тұруы мүмкін.
Айта кетсек, бұған дейін Қазақстанда 45 градусқа дейін ыстық болуы ықтимал екенін хабарлаған болатынбыз.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.