18:38, 25 Қаңтар 2013

Алдағы аптада ҚР Мұнай және газ министрлігінің кеңейтілген алқа мәжілісі өтеді

АСТАНА. 25 қаңтар. ҚазАқпарат - 28 қаңтарда ҚР Үкімет басшысы Серік Ахметовтің төрағалығымен ҚР Мұнай және газ министрлігінің кеңейтілген алқа мәжілісі өтеді.

Бұл туралы аталған ведомствоның ресми сайтында жарияланған.

Алқа отырысында «Теңізшевройл» ЖШС мен «KazEnergy» Қауымдастығы басшылығының есептері, сондай-ақ Мұнай және газ министрі Сауат Мыңбаевтың 2012 жылдағы атқарылған жұмыстардың қорытындысы мен биылға арналған мақсат-міндеттер жайындағы баяндамасы тыңдалады.

Аталған жиынға ҚР Парламентінің депутаттары, ҚР Президенті Әкімшілігінің, ҚР Премьер-Министрі Кеңсесінің өкілдері, бірқатар мемлекеттік органдардың басшылары қатысады деп күтілуде.

Мұнай/газ ҚР Энергетика министрлігі ҚР Үкіметі Үкімет
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.