АСТАНА. ҚазАқпарат - Алдағы үш жылда «Самұрық-Қазына» компаниялары 600-ден 300-ге дейін қысқарады. Бұл туралы КТК телеарнасының «Халық қызметшісі» бағдарламасына сұхбат берген «Самұрық-Қазына» ҰӘҚ» басқармасының төрағасы Өмірзақ Шөкеев мәлім етті.
Ө.Шөкеевтің айтуынша, холдинг қарамағындағы барлық активтер тексеріліп, оңтайландырылады және қайта құрылымданатын болады.
«Бізде 600 компания бар. Таяу 3 жылдың ішінде біз оларды 300-ге дейін қысқартуға тиіспіз. Онда құнды компаниялар да бар. Біз оларды нарыққа шығарып, жақсы бағаға сатқымыз келеді», деді ол.
Қор басшысының атап өтуінше, холдингтегі басқару деңгейі де барынша қысқартуға ұшырайтын болады.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.