АСТАНА. KAZINFORM — Қазақстанның бірінші, әлемнің 19-ракеткасы Александр Бублик Алматы ATP 250 турнирінің ширек финалына шықты.
Жарыстың 3-ракеткасы болып тіркелген қазақстандық теннисші екінші айналымда рейтингіде 64-орындағы мажарстандық Фабиан Марожанмен кездесуге тиіс еді.
Алайда Марожан матчқа келмей қалды да, А.Бублик ойнамастан ширек финалға жолдама алды.
Александр Бублик жартылай финалға шығу үшін әлемнің 25-ракеткасы, ресейлік Карен Хачановпен таласады.
Еске салайық, бұған дейін Михаил Кукушкин Almaty Open турнирінде кәсіби мансабын аяқтаған еді.
Сонымен бірге Almaty Open турнирінде Бублик пен Нұрланұлы алғаш рет бірге өнер көрсеткенін жазғанбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).