АСТАНА. ҚазАқпарат - Қазақстанның бірінші, әлемнің 44-ракеткасы Александр Бублик Метц (Франция) ATP 250 турнирінің финалында жеңіліп қалды, деп хабарлайды ҚазАқпарат тілшісі.
Қазақстандық теннисші соңғы бәсекеде әлемнің 65-ракеткасы, италиялық Лоренцо Сонегомен шеберлік байқасты.
Бірінші партияда тай-брейкте Л.Сонего сәтті ойнады - 7:6 (7:3).
Екінші сетте италиялық спортшы айқын басымдылық көрсетті - 6:2.
Сағат жарымға жуық уақытқа созылған матчта А.Бублик 7 жас жасағанымен, 3 брейк-пойнтын пайдалана алмады. Қарсыласы 6 эйспен бірге 2 брейкке қол жеткізді.
Бұл А.Бубликтің ATP жарыстарындағы алтыншы финалы еді. Ол тек биыл жыл басында Монпелье додасында ғана топ жарған еді.
Еске сала кетейік, бұдан бұрын А.Бубликтің Франциядағы турнирдің финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).