АСТАНА. ҚазАқпарат – Қазақстанның бірінші, әлемнің 44-ракеткасы Александр Бублик Метц (Франция) ATP 250 турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші ширек финалда әлемнің 31-інші, осы жарыстың 4-ракеткасы, даниялық Хольгер Рунемен кездесті.
Бірінші партияда А.Бублик 6:3 есебімен басымдылық танытса, екіншісінде қарсыласы есе қайырды – 7:5.
Үшінші, шешуші сетте қазақстандық спортшы дегеніне жетті – 6:4.
Екі сағатқа созылған тартысты матчта Бублик 15 эйс жасап, 5 брейк-пойнттың төртеуін құр жібермеді. Х.Руне 3 эйс, 3 брейкпен (5 брейк-пойнт) көзге түсті.
А.Бублик финалға шығу үшін дүниежүзілік рейтингте 284-орында тұрған, «Үлкен дулыға» турнирлерінің екі дүркін чемпионы, швейцариялық Станислас Вавринкамен таласады. Ол жарыс барысында әлемнің бұрынғы 1-ракеткасы, ресейлік Даниил Медведевті де жеңіп кетті.
Еске сала кетейік, бұдан бұрын Александр Бубликтің Франциядағы турнирдің ширек финалына шыққанын, Новак Джоковичтің Astana Open жарысында ойнайтынын жазған болатынбыз.
Сондай-ақ қазақстандық теннисші Португалиядағы жарыстың жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).