ПАРИЖ. KAZINFORM – Қазақстанның бірінші, әлемнің 19-ракеткасы Александр Бублик Лион (Франция) АТР 250 турнирінің ширек финалына өтті.
Жарыстың 2-ракеткасы болып тіркелген А.Бублик екінші айналымда дүниежүзілік рейтингіде 93-орында тұрған аустралиялық Александар Вукичпен бетпе-бет келді.
Қазақстандық теннисші 1 сағат 11 минутқа созылған бәсекеде қарсыласын 6:4, 6:2 есебімен қапы қалдырды. Бублик 10 эйспен бірге 3 брейк-пойнттан шашау шығарған жоқ. Вукич 3 эйспен шектелді.
Александр Бублик келесі ойында әлемнің 57-ракеткасы, ресейлік Павел Котовты сүріндірсе, жартылай финалға шығады.
Еске сала кетейік, бұдан бұрын теннистен әлем чемпионатында Қазақстан жасөспірімдерінің іріктеу жарысының ширек финалында ойнайтынын жазған болатынбыз.
Сондай-ақ Александр Шевченко Женева турнирінің ширек финалына шықты.
Михаил Кукушкин Ролан Гаррос турнирінің іріктеу сайысын сәтті бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).