АСТАНА. KAZINFORM - Қазақстанның бірінші, әлемнің 27-ракеткасы Александр Бублик Монпелье (Франция) ATP 250 турнирінің жартылай финалына шықты.
Қазақстандық теннисші ширек финалда отандасы, әлемнің 59-ракеткасы Александр Шевченкомен шеберлік байқасты.
Бұл қазақстандық теннисшілердің өзара алғашқы кездесуі еді.
Бірінші партияда Шевченко 6:4 есебімен басым түсті. Содан кейін Бублик күш алып кетті - 6:3, 6:4.
Екі сағаттан астам уақытқа созылған матчта А.Бублик 15 эйс жасап, 9 брейк-пойнттың төртеуін пайдалана білді. Шевченко 3 эйс, 3 брейкпен (8 брейк-пойнт) шектелді.
Александр Бубликтің жартылай финалдағы қарсыласы кейін анықталады.
Еске сала кетейік, бұдан бұрын Александр Недовесовтің Аргентина теннисшілерімен психологиялық тұрғыдан дайын болуы керектігі туралы айтқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).