АСТАНА. ҚазАқпарат – Қазақстанның бірінші, әлемнің 49-ракеткасы Александр Бублик Рим ATP 1000 турнирінің төртінші айналымына шыға алмады, деп хабарлайды ҚазАқпарат тілшісі.
А.Бублик үшінші айналымда әлемнің 4-ракеткасы, норвегиялық Каспер Руудпен шеберлік байқасты.
Бірінші партияда норвегиялық теннисшінің басымдылығы айқын көрінді – 6:1.
Екінші сетте А.Бублик есе қайырды – 6:4.
Үшінші, шешуші партияда К.Рууд тай-брейкте сәтті ойнады – 7:6 (7:0).
Екі сағат 5 минутқа созылған тартысты бәсеке барысында қазақстандық спортшы 11 эйс жасап, 3 брейк-пойнттың біреуін өз есебіне жазды. К.Рууд 6 эйс, 2 брейкпен (6 брейк-пойнт) көзге түсті.
К.Рууд ширек финалға шығу үшін әлемнің 62-ракеткасы, сербиялық Ласло Дьеремен таласады.
Еске сала кетейік, бұдан бұрын теннистен әлем чемпионатында Қазақстан жасөспірімдерінің іріктеу турнирінің қола жүлдегері атанғанын жазған болатынбыз.
Сондай-ақ Александр Бублик Рим мастерс турнирінің үшінші айналымына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).