НҰР-СҰЛТАН. ҚазАқпарат – Қазақстандық Александр Бублик жұптық сында Ролан Гаррос турнирінің үшінші айналымына шықты, деп хабарлайды ҚазАқпарат тілшісі.
Қазақстандық теннисші аустралиялық Танаси Коккинакиспен бірге екінші айналымда мажарстандық Мартон Фучович – америкалық Фрэнсис Тиафомен шеберлік байқасты.
Қазақстандық-аустралиялық жұп 6:4, 6:3 есебімен жеңіске жетті.
Бір сағатқа жуық уақытқа созылған матч барысында Бублик пен Коккинакис 11 эйс жасап, 5 брейк-пойнттың үшеуін пайдаланды.
А.Бублик пен Т.Коккинакис Франция ашық чемпионатының ширек финалына шығу үшін хорватиялық Иван Додиг – америкалық Остин Крайчекпен таласады.
Еске сала кетейік, бұдан бұрын Елена Рыбакинаның Ролан Гаррос турнирінің үшінші айналымына шыққанын, қазақстандық жас теннисші Ролан Гаррос турнирін сәтті бастағанын жазған болатынбыз.
Сондай-ақ қазақстандық жас теннисшілер Еуропадағы турнирлерде жеңіске жеткенін хабарладық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).