АСТАНА. KAZINFORM – Қазақстанның бірінші, әлемнің 76-ракеткасы Александр Бублик Турин (Италия) челленджер турнирінің ширек финалына өтті.
Жарыстың 8-ракеткасы болып тіркелген қазақстандық теннисші екінші айналымда дүниежүзілік рейтингіде 194-орында тұрған италиялық Федерико Арнабольдимен жолығысты.
Бірінші партияда жергілікті спортшы Бубликке бірде-бір гейм берген жоқ – 6:0.
Есесіне бұдан кейін А.Бублик ойын тізгінін қолына ала білді – 6:3, 6:3.
Бір сағат 37 минутқа созылған матчта Бублик 9 эйспен бірге 11 брейк-пойнттың үшеуін ғана пайдаға асырды. Арнабольди 3 эйс, 3 брейкпен (5 брейк-пойнт) көзге түсті.
Александр Бублик жартылай финалға шығу үшін әлемнің 51-інші, осы доданың 3-ракеткасы, аргентиналық Томас Мартин Этчеверримен таласады.
Еске сала кетейік, бұдан бұрын Жібек Құламбаеваның Пармада сенсация жасап, жартылай финалға өткенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).