АСТАНА. ҚазАқпарат – АҚШ-тың Вашингтон қаласында 31 шілде – 6 тамыз аралығында өтетін ATP 500 турнирінің жеребесі тартылды, деп хабарлайды ҚазАқпарат тілшісі.
Жарыстың 6-ракеткасы болып тіркелген қазақстандық Александр Бублик доданы екінші айналымнан бастайды.
А.Бублик турнирге арнайы шақырту алған франциялық, қазіргі кезде рейтингте 322-орында тұрған Гаэль Монфис немесе іріктеу сайысы жеңімпаздарының бірімен кездеседі.
Америкалықтар Тейлор Фритц пен Фрэнсис Тиафо турнирдің бірінші және екінші ракеткалары болып тіркелген.
Бүгін Вашингтонда іріктеу сайыстары басталады.
Әлемнің 26-ракеткасы А.Бублик осының алдында Галле ATP 500 жарысының жеңімпазы атанып, Уимблдонда төртінші айналымға дейін жеткен еді.
Еске сала кетейік, бұдан бұрын Президент кубогында Денис Евсеевтің финалға жолдама алғанын жазған болатынбыз.
Сондай-ақ Анна Данилина жұптық сында Гамбург жарысының жеңімпазы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).