АСТАНА. KAZINFORM — Қазақстанның бірінші, әлемнің 18-ракеткасы Александр Бубликтің Монте-Карло мастерс турниріндегі қарсыласы анықталды.
Ірі жарыстың 16-ракеткасы болып тіркелген қазақстандық теннисші алғашқы айналымда дүниежүзілік рейтингіде 32-орында тұрған хорватиялық Борна Чоричпен ойнайды.
Бұл матч 8 сәуірге белгіленген.
А.Бублик биыл Б.Чоричті Монпелье додасының финалында 5:7, 6:2, 6:3 есебімен ұтқан болатын.
Одан кейін Роттердамда (Нидерланд) 6:3, 6:4 есебімен басым түскен еді.
Монте-Карло жарысында әлемнің 1-ракеткасы, сербиялық Новак Джокович бастаған маңдайалды теннисшілер бақ сынайды.
Өткен жылы мұнда әлемнің 6-ракеткасы, ресейлік Андрей Рублев чемпион атанған болатын.
Еске сала кетейік, бұдан бұрын Тимофей Скатовтың Италия турнирінің жартылай финалына жолдама алғанын жазған болатынбыз.
Сондай-ақ Александр Недовесов Португалиядағы жарыстың жартылай финалына өтті.
Қазақстандық теннисші Мысырдағы жарыстың финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).