АСТАНА. KAZINFORM — Қорғаушы Александр Марочкин футболдан Қазақстан құрамасы сапындағы мансабын аяқтағанын мәлімдеді.
Бұл жөнінде ол 2026 жылғы әлем чемпионаты іріктеу кезеңіндегі құраманың Лихтенштейнмен кездесуінен кейін Қазақстан футбол федерациясына берген сұхбатында мәлім етті.
Александр Марочкин 1990 жылы 14 шілдеде дүниеге келген. Ұлттық құрама сапында 50 ойында бір голдың авторы атанды.
Өз мансабында ол 2012 жылдан бері қазақстандық клубтарда ойын көрсетіп келеді. 2023 жылдан бастап елордалық «Астана» намысын қорғап жүр.
Еске салсақ, футболдан Қазақстан құрамасы 2026 жылғы әлем чемпионаты іріктеу кезеңіндегі екінші кезедсуінде Лихтенштейннен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.