АСТАНА. KAZINFORM -Қазақстанның жұптық сындағы бірінші, әлемнің 57-ракеткасы Александр Недовесов Антверпен (Бельгия) ATP 250 турнирінің финалына шықты.
Қазақстандық теннисші америкалық Роберт Галловеймен бірге жартылай финалда нидерландылықтар Робин Хасе - Давид Пелдің меселін қайырды.
Қазақстандық- америкалық жұп 6:2, 6:3 есебімен жеңіске жетті. Бір сағатқа созылған бәсеке барысында екеуі 3 эйспен бірге 7 брейк-пойнттың төртеуін пайдаланды. Нидерландылық жұп 3 эйспен шектелді.
Александр Недовесов - Роберт Галловей финалда аустриялықтар Александр Эрлер - Лукас Мидлермен чемпиондық атақты сарапқа салады.
Еске сала кетейік, бұдан бұрын Зарина Диястың өзінің туған күнінде жеңіске жеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).