НҰР-СҰЛТАН. ҚазАқпарат - Қазақстандық Александр Недовесов жұптық сында Лион (Франция) ATP 250 турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші пәкістандық Айсам Курешимен бірге ширек финалда осы жарыстың 3-ракеткалары, бельгиялықтар Сандер Жилле - Йоран Влигенмен шеберлік байқасты.
Бір жарым сағатқа созылған матчта 6:3, 7:6 (7:4) есебімен жеңіске жетті.
Куреши мен Недовесов бәсеке барысында 3 эйс жасап, 3 брейк-пойнттың біреуін пайдалана білді.
Биылғы сәуір айында Мароккодағы осындай додада аталмыш жұптар кездесіп, онда да Айсам мен Александр басым түскен еді - 6:3, 6:4.
Ертең Недовесов пен Куреши финалға шығу үшін оңтүстікафрикалық Равен Клаасен - америкалық Натаниель Лэммонс немесе аргентиналық Максимо Гонсалес - бразилиялық Марсело Мело жұптарының қай жеңгенімен таласады.
Еске сала кетейік, бұдан бұрын Зарина Диястың төрт айдан кейін тенниске оралғаны туралы жазылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).